"შუხმანის ღვინოების" ვაზის მოშენების მეთოდები

საპილოტე პროგრამის, სახელწოდებით W.E.I.N., მიზანია მევენახეობის ტრადიციის შენარჩუნება გაუმჯობესებული ეკონომიკური გეგმის 21-ე პუნქტის შესაბამისად. ამასთან ვახდენთ მხოლოდ იმ მეთოდების აღიარებას, განვითარებასა და გარდაქმნას, რომლებიც ეკონომიკურად რენტაბელურნი არიან, პასუხისმგებლობას იღებენ სოციალური თვალსაზრისით და არ უქმნიან საფრთხეს გარემოს.

მევენახეობის ძირითადი პრინციპებია:

თაობათაშორისო თანაბარუფლებიანობა:
მომავალ თაობასაც იგივე შანსები უნდა ჰქონდეს, როგორიც თანამედროვე თაობას.

უნდა მოხდეს განუმეორებელი კულტურული ლანდშაფტის შენარჩუნება და ხელშეწყობა.

ბუნებრივი რესურსების დაცვა:
უნდა შევინარჩუნოთ პროდუქციისათვის აუცილებელი ნიადაგი, წყალი და ჰაერი, რაც ნიშნავს იმას, რომ ამ რესურსების გამოყენების ხანგრძლივობა არ უნდა აღემატებოდეს მისივე რეგენერაციის უნარს.
იმ რესურსების დაცვა, რომელთა განახლებაც შეუძლებელია.
რეგენერაციული ენერგიის გამოყენება.

ეკოლოგიური პასუხისმგებლობა:
არ უნდა დავაზიანოთ ბუნებრივი ეკოსისტემა, ე.ი. ნივთიერებების გამოთავისუფლებისა და ენერგიის მოხმარების ხანგრძლივობა არ უნდა აღემატებოდეს გარემოს ამტანიანობასა და მის უნარს, მოახდინოს ასიმილაცია.

ბიოლოგიური მრავალსახეობა:
უნდა შევინარჩუნოთ და დავიცვათ ბიოლოგიური მრავალფეროვნება.

სოციოეკონომიკური პასუხისმგებლობა:
ღვინის საწარმოებს აქვთ უფლება იარსებონ.
უნდა გაიზარდოს ინვესტიციების რენტაბელურობა.