მეღვინე ტექნოლოგი

გიორგი დაქიშვილი მესამე თაობის წარმომადგენელია, რომელმაც მეღვინის პროფესიას მიჰყო ხელი. მამამისი სახელმწიფო ღვინის მარან "თელიანის" მეღვინე გახლდათ. ჯერ კიდევ პატარა ასაკში გიორგი დაქიშვილისათვის ცხადი იყო, რომ ღვინის დაყენების პროცესი მის შემდგომ ცხოვრებას განსაზღვრავდა. ასე გაჰყვა ის, სულ ახალგაზრდა, მამის კვალს. მამას გიორგი მუდამ თან დაჰყავდა და ამ გზით ადრეულ ასაკშივე აზიარა ქართული ღვინის დაყენების ხელოვნებას. მეღვინეობის ტექნოლოგიის შესწავლის დროს იგი ხშირად მიდიოდა საზღვარგარეთ პროფესიული ხაზით. გიორგი დაქიშვილმა ენოლოგის ტიტულიც მიიღო და ამით დააგვირგვინა მრავალწლიანი გამოცდილებით შეძენილი კვალიფიკაცია.

ამ საქმეში მის გამოცდილებასა და ენთუზიაზმს ემყარება "შუხმანის ღვინოების" წინსვლა.